A dörmovum in düu,
vün de pé e vün de cò,
in quel lecc de una piazza e mezza
cun sota ra paiazza
piena de spoi de carlon
e i lenzöö de linn grezz
che i ta perava i gamb biott.
De fianc ar lecc
A gheva ur cifon
E püsée in là a gheva ur canterà
Cun denta i nos barlott,
anca chi rott,
a tegneum de cünt tütt
magari par un duman
a sa sa mai.
D’invernu a sa garava,
nüm a guardaum i vedri di finesctri
cun ura carta geografica
disegnada du giasc
che sa furmava cun ur nos fiäat
Che frecc mam e intänt a tiraum innanz.
Aurelio Delmenico, 2021
